ما الذي يجعل رجل أعمال يستثمر في تونس ؟؟

هشام عجبوني
عندي حريف تونسي قام باستثمار صناعي سنة 2005 وعمل معمل متاع مواد تنظيف وتطهير والمنتوج متاعو ياخذوه أغلب مستشفيات تونس وشركات الصناعات الغذائية والصناعات الصيدلية وذلك لجودته العالية، بمعايير دولية Certifié ISO 9001!
بالطبيعة المواد الأوليّة يقوم بتوريدها ويخلّص في المعاليم الديوانية منذ حوالي 12 سنة بدون أيّ مشكلة ويدفع في الأداءات متاعو بانتظام!
منذ أسابيع، عون ديوانة ظهرلوا أنّو إلمعرّف الڤمرڤي NGP إلّي تستعمل فيه الشركة لتوريد المواد الأولية طيلة 12 سنة موش هو الملائم وطلب منهم تغييرو مع خطية، عِلْما وأنّ مبلغ المعاليم الديوانية هو نفسو بالنسبة للمعرّف القديم والمعرّف الجديد!
والنتيجة، المواد الأولية مازالوا في الديوانة (رغم إلّي المعاليم خالصة) إلى حين النَّظر في اعتراض الشركة والمعمل معطَّل ولا يمكنه الإنتاج وهنالك تأخير في تسليم المنتوجات والحرفاء غاضبون والبعض منهم بش يوضٌف غرامات التّأخير والمستثمر فدّ ويفكّر في إغلاق المصنع وعدم الإستثمار مجددا في تونس!!
ريتو محلاها تونس ومحلاها شعارات الحكومة متاع تشجيع الإستثمار والدّفع به!!
#خيبة_الدولة
#شعارات_فارغ
#الكذب_في_القول_و_عدم_الإخلاص_في_العمل