الخميس ، 18 يناير 2018
الرئيسية / تدوينات / تدوينات ساخرة / التنسنيس موش جوّي

التنسنيس موش جوّي

سارة مرعي

نعمل في تفقيدة للكونط متاعي نلقى وحدة اسمها فرح عملت جام على تصويرة عندي 😕😕 .. دخلت للكونط متاعها نلقاها كاتبة ستاتو متعاركة مع صاحبتها إيناس😯😯 … دخلت لكونط إيناس نلقاها مهبطة تصويرة صاحبتها سندس وكاتبة “عشوية تفتتتتّق” 😍😍… عملت هكة دخلت لبروفيل سندس جوست باش نفهم الحكاية نلقاه عيد ميلادها 🎂🎂 … اما المشكل انو مهبطة تصويرة العيد ميلاد ومركية فيها صاحبتها عبير وقالتلها راني متغششة عليك 😐😐 … دخلت لبروفيل عبير نحب نعرف شنوة صار… لقيت عبير كاتبة ستاتو ديزولي سندس ما نجمتش نحضر راهو فوفا في السبيطار😣😣 … مشيت نشوف في فوفا بالكشي حالتها خطيرة .. ما لقيت شي بصراحة اما لاحظت انو الكومنتارات الكل يحكيو انها متعاركة مع صاحبها طارق وبكلهم يعملوا في ماركاج لكونط طارق 😧😧 … بصراحة ما حبيتش ندخل لبروفيل طارق خاطر التنسنيس موش جوّي وزيد ما نحبّش نعرف حكايات العباد
🤓🤓😂

شاهد أيضاً

هنيئا لعماد الحمامي لتعيينه للكفاءات الوطنية

عزيز كداشي في اطار الاصلاحات الكبرى… وتماشيا مع الاجراءات الموجعة لهذا الظرف الاقتصادي والاجتماعي الخانق… ...

اترك رد