الخميس ، 23 نوفمبر 2017
الرئيسية / تدوينات / تدوينات ساخرة / افرقوا الحضبة خلّي الكلاب تتعشّى

افرقوا الحضبة خلّي الكلاب تتعشّى

عبد اللطيف علوي

كمال جرّاية وشفيق اللّطيّف يعرفوا الأصول وعمرهم ما يغلطوا في بعضهم…
تي هوما اللّي يقلّك، عاملين كونفونسيون،

الحكاية وما فيها، أنهم يخرجوا للمصيد ساعات، وكل واحد معاه كلابو، ساعات، ماكم تعرفوا، الكلاب تتعارك، ويكثر التهبهيب شويّة، يتدخّلوا هوما ويفضّوها وكل واحد يسرّح كلابو في جهة من الغابة، باش الكلاب ما تتخلّطشي… مهمّ ياسر أنّو الكلاب ما تتخلّطشي، على خاطر كي يتخلّطوا تولّي بعض الكلاب تسيّب الطريدة وتتلهى تتعارك وتعض في بعضها ولاّ تنبح على المعلّميّة الزّوز… وساعات من العرك متاعهم، يكثر الحسّ، وتفطن الطريدة وتقطّع… آش عملنا وقتها؟ وهذاكه علاش عملو كونفونسيون باش كل واحد يزرّق لكلابو ويعملّه طابع من تالي باش الأمور ما تفلتش، وإذا شاف كلب هايج شويّة ولاّ مصعصع يعملّو كمامة حتّى لين ياخذ الريقلة…

الغابة واااسعة وعريضة، والأرانب والحجل على شكون ترضى… فاش قام باش يتعاركوا ولاّ يقلّقوا بعضهم…

يا ولادي الكلاب في تونس عندهم دستور كامل موش مجرّد كونفونسيون كيما قال خونا شفيق، دستور مطبقينو ومحترمينو موش كيف دستورنا، عندهم دولة، وعندهم علم وعندهم تنظيم سلطات وعندهم اختصاص ترابيّ وعندهم قنوات لفضّ النزاعات، وعندهم أمنهم وجيشهم وصحافتهم وتلافزهم و بيان ايفيدامون، عندهم كلابهم…

شبيكم مبهّمين؟؟؟

هيّا سيدي خويا… افرقوا الحضبة خلّي الكلاب تتعشّى رايضة باش ترقدوا متهنّين.

شاهد أيضاً

كيفاش تكون سياسي من الجيل الأول

ذاكر اللاهيذب 1. تعمل أيدين وساقين وتدخل في حكومة بشتى الطرق. 2. تظهر فيما كتب ...

اترك رد