الجمعة ، 19 يناير 2018
الرئيسية / تدوينات / تدوينات تونسية / كان قاعد… : “كلمة” بالدارجة عن قرار رئيس الحكومة !

كان قاعد… : “كلمة” بالدارجة عن قرار رئيس الحكومة !

القاضي أحمد الرحموني

والله انا حبيت نقول كلمتين مش كلمة وحده -وبالدارجة زاده- فيما يخص قرار رئيس الحكومة اللي رقد وقام وغير نظام الدخول للمعهد الاعلى للقضاء.

هذا بالضبط كيما قالو ناس بكري “كان قاعد قام يبوس في الحيط” !.. آش مدخلنا في هذا ؟! علاش توا وفي طنبك المشاكل ؟!

ما يكفيش مشاكل الحكومة مع الطبة والمعلمين والاساتذة والقضاة والقوابل… الخ… ومع الارهاب والتهريب… واتحاد الشغل! ما يكفيش هذا حتى نفتحو واجهة مع الطلبة واتحادات الطلبة وبطالة اصحاب الشهادات!

علاش تجري وشنوه حالة الاستعجال؟! القاضي يلزم يكون حاصل على الماجستير في القانون والاستاذية (او الاجازة) ما تكفيش ! ايه، لكن حتى وكان هذا صحيح مش بقوانين “الفجعة”! الموضوع لازمو دراسة وتشاور! وفوق هذا الكل “الصوف ما يتباع كان بالرزانة” !

شاهد أيضاً

الإمارات واغتيال المبحوح..

محمد ضيف الله في 19 يناير 2010، تم اغتيال القيادي الفلسطيني محمود المبحوح في الإمارات، ...

اترك رد