الجمعة ، 24 نوفمبر 2017
الرئيسية / تدوينات / تدوينات تونسية / إنهم يخونون الشعب والإعلام يصفق لهم

إنهم يخونون الشعب والإعلام يصفق لهم

محمد بن رجب

السياسيون اللي قاعدين يقولوا اللي بن علي رجل وطني ورجل دولة تصوروهم في السلطة.. كيفاش يكونوا الا تشعرون انهم سيفعلون ما فعله بن علي؟؟!! هوما ما يراوش مانع.. واخلاقهم تلتقي مع ما نشره بن علي في البلاد الى ان ثار الشعب بنخبه ليقولوا له ارحل…

ورحل هاربا من صرخة الشعب المدوية.. وتزايد عدد الشهداء… مازلتوا تعطيوهم الثقة هؤلاء الاوباش..!!
مازلتوا تسمعوهم في الاذاعات وفي التلافز ؟؟!!
مازلتوا تحترموا فيهم ؟؟!!
اكيد باش يكونوا كيف بن علي… مافيا… وتهريب… واستبداد!!!
بالله سي الطاهر معدنوس كيف يقول اللي سيدو بن علي رجل دولة… يعمل في حزب علاش…؟!!
اكيد يحب يكون مافيوزي كيف بن علي…
وانا علاش نحب ناجي جلول يغادر الحكومة… ببساطة لانو يقول هو زادة اللي بن علي رجل دولة… ورجل وطني… ثم يخرج في التلافز ويقول انا قاعد انحارب في الفساد… فساد شكون وهو يشكر في زعيم المافيا والفساد والاستبداد…

وقيس على السياسيين الاخرين اللي ولاو يا سبحان الله يقوموا بالدعاية للمافيوزي بن علي…<
وهوما الكل يخططوا باش يطلعوا للحكم بالانتخابات والا بالتعيينات. فاذا كان بن علي هو راجلهم.. كيفاش توافقوا عليهم باش يكونوا في السلطة..؟؟!!
شنوا ها العجب…
انا ماريتش وما قريتش وما سمعتش ها الفساد والخنار متاع السياسيين التوانسة… جايين يحبوا يحكمو فى البلاد.. وهوما يحبوا الفساد علنا ويقوموا بالدعاية للمستبد والقاتل.. والفاسد والمافيا…

اذن ادعوكم من جديد الى ان تتصوروهم يحكموا من جديد… واللي زلق وطلع للحكم.. هاو عندكم فكرة كيفاش يرى الحكم… هو اذن ما يهموش الفساد.. وانتوما ايها الاعلام الزفت تصفقلوا… وتشكر فيه… بل تستضيفوا فيهم باش يقولوا اللي بنعلي راجل وسيد الرجال… بالله قولو لنا اشكون يدفع… واشنوا اهدافوا… فقط نشر الفساد… لا اكيد انوا يحب يحكم بالفساد كيف ما عمل سيدهم…
ناجي جلول يقول اللي عندو مشروع اصلاح التعليم.
طيب كيفاش باش يصلح التعليم وهو من انصار بن علي ومن انصار نظامه وهو من المدافعين عن وطنيته وهو من عشاق استبداده… وكيفاش يرى الاصلاحات وهو يعتقد ان الزطلة واللواط من الحريات الشخصية..
اصلاح ماذا ؟؟!!

اذن… فهل يعني انه سيدرس التلاميذ قبول الاستبداد والمافيوزية والطحين والكذب والزطلة واللواط كمواد اساسية في المدارس وبرامجها وفي المعاهد ومناهجها.. وكحرية… واسس الديمقراطية… كفكر تونسي جديد ما بعد ثورة الحرية والكرامة…وفي كلمة
ان الذين يدافعون عن بن علي انما يخونون الشعب ولا يحترمون الشهداء… ولا يعترفون بالقيم والاخلاق.. وليست لهم رؤية للشرف والعفة… ولا قيمة عندهم لنظافة السريرة.. والرجل عندهم هو المافيوزي… الم يعلنوا صراحة ان المافيوزي بن علي رجل دولة… هذا يكفي لتقرؤوا اخلاقهم وتتاكدوا من سريرتهم… فكيف تسلمون ابناءكم لهم لتدريسهم.. وكيف ترضون ان يكونوا من حكام البلاد..
انهم لا يستحقون الاحترام…

شاهد أيضاً

إصلاح الصًناديق الإجتماعيّة: لماذا يتحمّل كلفتها الأجراء والشّغاّلون؟

صالح التيزاوي يبدو أنّ الحكومة ماضية في التّمديد بعامين في سنّ التّقاعد لإنقاض الصّناديق الإجتماعيّة من ...

اترك رد