الأحد ، 19 نوفمبر 2017
الرئيسية / تدوينات / تدوينات ساخرة / سمير بالطيب وسي المنّاني ومدام منكوسة

سمير بالطيب وسي المنّاني ومدام منكوسة

مالك بن عمر

الواحد في غمرة الفضائح و التسريبات شعرة لا نسيت سْميرْ بالطيّب…

قالك يا سيدي يا بن سيدك في إطار حماية الثروة السمكية للبلاد، سمير بالطيب خذا قرار خطير…
ضرب على الطاولة و قاللهم الشي هذا انتهى… لا بد من الحفاظ على الثروة السمكية…

قالولو جماعتو في وزارة الفلاحة: سي سمير نحنا معاك.. الصيد بالكركارة خطر كبير…
قاللهم: فيقوا على رواحكم… فمة ما أخطر…
قالولو: آآه تحكي على الصيد بالديناميت ؟ معاااك سي سمير…
قاللهم: تي لا.. زيدوا ركزوا… فمّة ما اخطر برشاااا…
قالولو: مادام الحكاية مخطرة.. مادام تحكي على الصيد العشوائي في المناطق المحمية…
قاللهم: شي… ظاهرلي باش نبدلكم الكل… طلعتوا حكايتكم فارغة… يا جماااعة أنا قرّرت من اليوم وحفاظا على الثروة السمكية.. وثروة البلااااد وحق المواااطن وقفة المواااطن… قرّرت.. أنا كسمير بالطيب… باش نمنع الصيد الترفيهي بالصنّارة… تفضلو توّة تنجموا تصفقوا..
– ……………………………….

– صفّق #سي_المنّاني… شبيك مبلّم سي الحنش… ويني #مدام_منكوسة مش حاضرة باش تصفّق ؟؟

شاهد أيضاً

كيفاش تكون سياسي من الجيل الأول

ذاكر اللاهيذب 1. تعمل أيدين وساقين وتدخل في حكومة بشتى الطرق. 2. تظهر فيما كتب ...

اترك رد