الأحد , 16 ديسمبر 2018
الرئيسية / تدوينات تونسية / انّحّي جدّ بوها هالوزارة الكلبة اللّي تتعاركوا عليها

انّحّي جدّ بوها هالوزارة الكلبة اللّي تتعاركوا عليها

عبد اللطيف علوي
باهي هكّه توّة؟
الرّاجل نرفزتوه بالتّخرنين متاعكم والعرك والحسّ وشبيك نحّيت فلان من الوزارة وحطّيت فلتان وما حطّيتش عرفان… هاو قلّكم انّحّي جدّ بوها أنا ها الوزارة الكلبة اللّي تتعاركوا عليها… كيف هاك اللّي شاف زوز صغار يتعاركوا على الكورة، فكّهالهم وفشّها… ارتحتوا توّة؟ بردتوا ؟؟؟
المصيبة لا تزيدوا تتعاركوا على الستاغ ولاّ الصوناد، يزيد يكمّل ينحّيهم ويخلّينا عطاشى ندهدسوا…
والله مازلت نشوفكم تتعاركوا مرّة أخرى قدّامي على وزارة من الوزارات إلاّ ما نزيد نفشّهالكم، وإن شاء الله نقعد وحدي أنا في الوزارة الأولى، ما يهمّنيش… حانوت مسكّر ولا كرية مشومة…
تي احنا شطر الوزارات عاملينهم أصل ماخذت خاطر فيكم… آش رابحين منهم احنا الوزارات غير المصروف الزايد والجوجمة وتكسير الرّاس…
هيّا ريضوا توّة… لا نكمّل نفشّها البلاد ، نقصد نسكّرها ونرمي المفاتح في البير!

شاهد أيضاً

شتاء الحقّ ليس شتاء الباطل

عبد اللطيف علوي صحيح أنّ الشّتاء في بلدنا طالما كان شتاء ساخنا، على وقع الانتفاضات ...

الثقب الأسود

عبد اللطيف علوي الجزء الأول من ثلاثيّة «سيرة الثّورة» التصنيف رواية دار الثقافية للنشر الثّمن: ...