الإثنين , 10 ديسمبر 2018
الرئيسية / غير مصنف / ترضاو ياتوانسة يصير هكة في طبتكم ؟؟

ترضاو ياتوانسة يصير هكة في طبتكم ؟؟

ماهر العباسي
إتهمونا وشوهونا وسبونا وردونا سراق وماناش وطنيين ومجرمين ندلسو ونقتلو في المرضى عمدا والنتيجة مواطن تونسي نظيف خدام بو عايلة وولد عايلة يرميوه في الحبس خاطر فمة شبهة الي هو عمل غلطة وهو يداوي ويحاول ينقذ مريضو… خاطر شبهة المواطن هذا يعمل جلطة وهو في الحبس… خاطر شبهة نحطوه في قسم الانعاش متاع القلب وهو مسلسل في فرشو… حتى تشاوسيسكو وڤوبلز ماعملولهمش هكة… خاطر شبهة الأم تبكي والبو يبكي والمرا تبكي والأولاد يبكيو…
القاضي الي نحترموه وفوق راسنا مالفوق كيفاش يحول الشبهة لدليل دامغ ؟؟؟ فمة طريقة وحدة: تقرير الخبراء… تقرير الخبراء الي في قضية الرضيع متاع سوسة تعمل وتقدت النتائج في نهارين… هوني في حالة ڤابس التقرير ماتعمل كان بعد شهر… شهر ومواطن بريئ حتى تثبت ادانته مرمي في الحبس والا مسلسل في فرش سبيطار… تهمتو الوحيدة انو حاول يداوي مريض وينقذو مالموت… ترضاو ياتوانسة يصير هكة في طبتكم ؟؟ رانا ولادكم واخواتكم وصحابكم واحنا الي تلقاونا وقت المصائب… ترضاو نتمرمدو هكة فقط خاطر فمة شبهة ؟؟ باهي نتصورو لو كان التقرير يقول مافماش غلطة شنوة نعملو للراجل الي تحطم نقولولو ديزولي ؟؟؟ وقت يظهر الحق للحديث بقية… وماناش باش نسكتو.

شاهد أيضاً

الخديعة …

علي المسعودي أعرف أن كثيرا من أصدقائي، سيتّهمون، ولكني أعتذر سلفا، سأصدع بما أراه حقيقة ...

تونس: تمرّد بلون أحمر

محمد المولدي الداودي لم ييأس الطغاة ولم تيأس الثورة. المرور إلى السرعة القصوى قصد تعطيل ...