الإثنين ، 20 نوفمبر 2017
الرئيسية / تدوينات / تدوينات تونسية / قنبلة كل 20 دقيقة… عندو جائزة نوبل للسلام …

قنبلة كل 20 دقيقة… عندو جائزة نوبل للسلام …

وائل زميت

آك الوليّد اوباما العاقل المحلاه الـcute مازالو ايام و يغادر البيت الابيض… وبعيدا عن الصورة الوردية المرسومة ليه وبعيدا عن جائزة نوبل للسلام الي ربحها في 2009 وقتلي مازال اصلا ما عمل شي، الارقام تقول انو الحقيقة ماهوش عاقل برشا وموش ملايكة برشا… وكيما تشومسكي يقول: “جورج بوش كان يعذب، اما اوباما ما يعذبش… اوباما يقتل!”

الاخوة في Council on Foreign Relations اصدروا شوية ارقام، تقول انو امريكا اسقطت 26171 قنبلة في 2016، اي بمعدل حوالي 72 قنبلة في اليوم اي بمعدل حوالي 3 قنابل كل ساعة… اي تقريبا كل 20 دقيقة، تقوم ملائكة الرحمة متع دولة حقوق الانسان والحرية والديمقراطية والكذا، ترمي قنبلة على واحدة من 7 دول منكوبة صادف انها كلها عندها اغلبية مسلمة.

وكان نصيب هذه الدول من القنابل كالتالي:
سوريا: 12192. العراق: 12095. افغانستان: 1337. ليبيا: 496. اليمن: 34. الصومال: 14. باكستان: 3

على فكرة، في عهد اوباما، صارت جرايم بالدرونز (طائرة بدون طيار) 10 مرات اكثر من وقت بوش…

يعلق حبيبي نعوم تشومسكي العظيم فيقول: “امريكا تدير اكبر حملة إرهابية في العالم… واستعمال اوباما للدرونز، حملة إرهابية عالمية لا نظير لها”.

في ظل عدم توفر ارقام رسمية، الجارديان قالت انو عدد المدنيين الضحايا طيلة رئاسة اوباما، قد يصل للآلاف… ضحايا مدنيين…

ايا تو شدولي رواحكم، في 2016 تم إنزال وتحريك قوات خاصة امريكية في 138 دولة (معناها في 70% من دول العالم)…

في الاخير، نزيدوا نذكروا ان اوباما مش يخرج من البيت الابيض باكبر حملة مساعدات عسكرية في تاريخ اسرائيل: 38 مليار دولار في العشرة سنوات القادمة (يعني مرتين قد ميزانية تونس).

فهمتوا تو علاش ديما نقول مهما عملوا الدواعش، راهم ديما يبقاو amateurs وقراصنة قدام الاباطرة والارهابيين الصحاح…

#قراصنة_و_اباطرة

رَبَّنَا أَخْرِجْنَا مِنْ هَٰذِهِ الْقَرْيَةِ الظَّالِمِ أَهْلُهَا
رَبَّنَا أَخْرِجْنَا مِنْهَا فَإِنْ عُدْنَا فَإِنَّا ظَالِمُونَ

شاهد أيضاً

أشعر بالعار

خير الدين الصوابني أشعر بالعار عندما اعلم أن على بعد بضع كيلومترات من بلدي انبتت ...

اترك رد