تدوينات تونسية

الكلمة الشهيرة عند التونسي “أخطا راسي وضرب”

محمد الناصر رابحي

جاتني رسالة على الخاص تدمي القلب :

والله شيى يأسف. ﺑﻜﺮﻱ ﻓﻲ ﺍﻟﻤﻴﺘﺮﻭ 6، ﺯﻭﺯ ﻓﺮﻭﺥ ﻋﻤﺎﺭﻫﻢ ﻣﺎﺗﻔﻮﺗﺶ 17 ﻃﻠﻌﻮ ﻣﻦ ﺑﺎﺏ ﻋﻠﻴﻮﺓ، ﻭﺍﺣﺪ ﻓﻴﻬﻢ ﺣﺎﻃﻂ ﻏﻨﺎ ﻑ ﺗﻠﻴﻔﻮﻧﻮ ﺑﺎﻟﻘﻮﻱ، ﻛﻼﻱ، ﻛﻼﻡ ﺯﺍﻳﺪ ﻭﺣﺎﻟﺔ ﻭﺍﻟﻤﻴﺘﺮﻭ ﻓﻴﻪ ﺑﺮﺷﺎ ﻧﺴﺎﺀ ﻭﻭﻻﺩ ﺻﻐﺎﺭ ﻭﺭﺟﺎﻝ ﻛﺒﺎﺭ.. ﺗﻠﻔﺘﻠﻮ ﺭﺍﺟﻞ ﻛﺒﻴﺮ ﻋﺎﻟﻠﺨﺮ ﻻﺑﺲ ﺷﺎﺷﻴﺔ ﻗﺎﻟﻮ ﻋﻴﺶ ﻭﻟﺪﻱ ﺍﺳﻤﻊ ﻭﺣﺪﻙ، ﻏﺰﺭﻟﻮ ﺍﻟﻄﻔﻞ ﻳﻌﻤﻠﻮ ﺑﺮّ ﺁﺣﺎﺝ ﻣﺎﺗﻄﻴﺮﻟﻴﺶ ﺷﻴﺨﺔ ﺭﺍﺳﻲ، ﺍﻟﺸﺎﻳﺐ ﺗﺒﺴﻢ ﻭﻗﺎﻝ ﻭﺍﻟﻠﻪ ﻻﻋﺎﺩ ﻋﺎﺭﻓﻴﻦ ﺷﻨﻮﺍ ﺻﺎﻳﺮﻟﻬﻢ ﻭﻟﻴﺪﺍﺗﻨﺎ ﻫﺎﻟﺰﻣﺎﻥ ﻭﺩﺍﺭ ﻋﻠﻰ ﺭﻭﺣﻮ، ﻏﺰﺭ ﺍﻟﻄﻔﻞ ﻝ ﺻﺎﺣﺒﻮ ﻭ ﻗﺎﻟﻮ ﺁﺁﺁﺍ ﺷﺒﻴﻪ ﻋﻤﻞ ﻫﻜﺎ ﻫﺬﺍ ؟ ﻭﺗﻠﻔﺖ ﻟﻠﺸﺎﻳﺐ ﺣﻂ ﻳﺪﻭ ﻋﻠﻰ ﻛﺘﻔﻮ ﻭﻳﻌﻴﻄﻠﻮ ﻳﺎ ﺣﺎﺝ ﺁﺍ ﻳﺎ ﺣﺎﺝ ﻧﺤﻜﻲ ﻣﻌﺎﻙ، ﺍﻟﺮﺍﺟﻞ ﻣﺎﺗﻠﻔﺘﻠﻮﺵ، ﻳﺎﺧﻲ ﺍﻟﻄﻔﻞ ﻋﻤﻞ ﻫﻜﺎ ﻧﺤﺎ ﺍﻟﺸﺎﺷﻴﺔ ﻣﻦ ﻓﻮﻕ ﺭﺍﺱ ﺍﻟﺸﺎﻳﺐ، ﻫﻮ ﺩﺍﺭﻟﻮ ﻭﺍﻟﻄﻔﻞ ﻟﺒّﺴﻠﻮ ﺍﻟﺸﺎﺷﻴﺔ ﻓﻲ ﻭﺟﻬﻮ،

ﻭﻗﺘﻬﺎ ﺍﻟﻨﺎﺱ ﻟﻜﻞ ﻣﺸﺎﻭ ﻟﻠﻄﻔﻞ ﺑﺶ ﻳﻀﺮﺑﻮﻩ، ﻳﺎﺧﻲ ﺣﺎﻣﺎ ﻋﻠﻴﻪ ﺻﺎﺣﺒﻮ ﻭﻗﺎﻟﻠﻬﻢ ﺳﺎﻣﺤﻮﻧﺎ ﺑﺮﺑﻲ ﺳﺎﻣﺤﻮﻧﺎ، ﺍﻛﺎ ﺍﻟﺸﺎﻳﺐ ﻗﺎﻝ ﻟﻠﻨﺎﺱ ﺳﻴﺒﻮﻩ ﺳﻴﺒﻮﻩ.. ﺑﻌﺪﻭ ﺍﻛﺎ ﺍﻟﻨﺎﺱ، ﻭﺍﻟﻮﻻﺩ ﺑﻘﺎﻭ ﺭﺍﻳﻀﻴﻦ. ﺍﻟﻤﺘﺮﻭ ﻭﻗﻒ ﻓﻲ ﺍﻟﻄﺎﻫﺮ ﺍﻟﺤﺪﺍﺩ، ﻭﺑﻌﺪ ﻛﻲ ﻗﺮﻳﺐ ﻳﺴﻜﺮ ﺍﻟﺒﺎﺏ، ﻳﻌﻤﻞ ﻫﻜﺎ ﺍﻛﺎ ﺍﻟﻄﻔﻞ ﻳﺼﺮﻓﻖ ﺍﻟﺸﺎﻳﺐ ﺑﻜﻒ ﻗﻮﻱ ﻭﻓﺼﻊ ﻳﺠﺮﻱ ﻫﻮ ﻭﺻﺎﺣﺒﻮ، ﺍﻳﻴﻴﻲ ﻧﻌﻢ ﺻﺮﻓﻖ ﺭﺍﺟﻞ ﻋﺰﻭﺯ ﻋﻤﺮﻭ ﻗﺮﻳﺐ 80 ﺳﻨﺎ، ﺍﻛﺎ ﺍﻟﺸﺎﻳﺐ ﺷﺪ ﺧﺪﻭ ﺗﺒﺴﻢ ﻭﺑﻌﺪ ﺇﻃﺮﺷﻖ ﺑﺎﻟﺒﻜﺎ…

ﺻﺪﻗﻮﻧﻲ ﻓﻲ ﺍﻛﺎ ﺍﻟﻠﺤﻈﺔ ﻗﻠﺒﻲ ﻛﺒﺲ ﻋﻠﻴﺎ ﺩﺭﺍ ﻛﻴﻔﺎه…

ﺍﻟﻤﻐﺰﻯ ﻣﻦ ﻫﺬﺍ، ﺷﻜﻮﻥ ﺍﻟﻤﺴؤول ﻋﺎﻟﺤﺎﻟﺔ ﺍﻟﻠﻲ ﻭﺻﻠﻠﻬﺎ ﺷﺒﺎﺑﻨﺎ ﻟﻴﻮﻡ؟

ﺍﻟﻌﺎﺋﻠﺔ؟ ﺍﻟﻤﺠﺘﻤﻊ؟ ﺍﻟﺪﻭﻟﺔ؟ ﺍﻟﺤﺮﻳﺔ ؟ ﺍﻟﺪﻳﻤﻘﺮﺍﻃﻴﺔ ﺍﻟﻤﺰﻋﻮﻣﺔ ؟ ﺍﻟﺮﺍﺏ ﺍﻟﺘﻮﻧﺴﻲ
ﻋﻼﻩ ﻭﺻﻠﻨﺎ ﻟﻤﺮﺣﻠﺔ ﻣﺮﻋﺒﺔ ﻣﻦ ﺍﻹﻧﺤﻄﺎﻁ ﺍﻷﺧﻼﻗﻲ ﻭاﻧﻌﺪﺍﻡ ﺍﻹﺣﺘﺮﺍﻡ ؟ ﺍﻟﺒﻼﺩ ﻫﺎﺫﻱ ﻫﺰﻳﺖ ﻣﻨﻬﺎ ﻳﺪﻱ ﺍﻧﺎ ﺳﺎﻳﻲ..
قتلو : ياخويا والله كلامك صحيح؛ ناس العاصمة بصراحة الله يعين القلة القليلة الي مازالت عندهم الحشمة والقدر والاخلاق؛ شي فاق الحد بأشواط كبيرة؛ والله الواحد ولى يحشم يخرج هو وفرد من عايلتو.

اترك رد

مقالات ذات صلة

شاهد أيضاً
إغلاق
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock