تدوينات تونسية
برا الله يرحم والديك ويفرحك ويبعد عليك البلاء…
ماهر العباسي
كي تدخل طفلة لبيت العملية وتخرج تلقى مرا كبيرة تبكي في الكولوار تقلها شبيك ياحاجة تقلك بنتي هزوهالي لبيت العملية… تقلها ماتخافش بنتك عندي أنا ونشاء الله نخرجهالك لاباس…
وبعد ماتخرج البنية مالعملية تلقى المرا الكبيرة تقلها شفت اهوكا بنتك لاباس كيما قتلك… تقلك وهي تبكي مالفرحة برا الله يرحم والديك ويفرحك ويبعد عليك البلاء… وتحسها دعوة خارجة من قلبها لله في سبيل الله… تعدي نهار كامل وانت شايخ في مخك ولا على بالك حتى كان هاك المهبول متاع كوريا الشمالية تطلعلو يضربنا بصاروخ نووي نورمال انت شايخ في مخك والصاروخ موش باش يمسك 