السبت ، 18 نوفمبر 2017
الرئيسية / تدوينات / تدوينات تونسية / لا يا بابا شهيدك وحدك أنستك بيه

لا يا بابا شهيدك وحدك أنستك بيه

ماهر العباسي

أنا إنجم نفهم أنو الباجي يتدخل في القضاء خاطر عدى عمرو كامل عايش في منظومة تتدخل في القضاء أما مخي ياقف كيف نلقى واحد دخل للسياسة بعد الثورة ودافع على مبادئ الديمقراطية واستقلال القضاء كيما الشاهد… يتدخل في القضاء ويقول لطفي نڤض شهيد التوانسة الكل… لا يا بابا شهيدك وحدك أنستك بيه… ماعناش شهداء تضرب في العباد بالمولوتوف.

أنا إنجم نفهم أنو الباجي مايحضرش جلسات العدالة الإنتقالية خاطر كان ركنا من أركان الزوز أنظمة الي عذبو الضحايا أما ما إنجمش نفهم أنو واحد كي الشاهد دخل للسياسة بعد الثورة وتاريخو نظيف مايحضرش… علاه ؟؟؟

علاه ترفض باش تكون رئيس حكومة وتصر باش تكون وزير الأول متاع الباجي… علاه ؟؟ علاه التاريخ يحبك تدخل فيه مالباب الكبير وانت شادد صحيح مكبش في جلباب الباجي… علاه ماتحبوش توليو زعماء ورجال دولة وترضاو لرواحكم بالأدوار الثانوية… علاه ماتحاولوش تعملو شخصية وتخدمو مصلحة بلادكم وتقعدو تحسبو… راو الي يحسب وحدو يفضللو… وإسئل المهدي جمعة والحبيب الصيد… والسلام.

شاهد أيضاً

هل يقبل القوادون برفع الوصاية عن المساجد ؟؟

الأمين البوعزيزي • على مدار عقود طويلة مارست مقرات حزب الحاكم اللصوصية (عدم خلاص فواتير ...

اترك رد