الخميس , 15 نوفمبر 2018
الرئيسية / تدوينات تونسية / هاك الطبّه الصينيين حالين افامهم

هاك الطبّه الصينيين حالين افامهم

الحبيب حمام
هاك الطبّه الصينيين حالين افامهم، باهتين في عجب ربي
– هو (Hu): يا شانڨ (Sheng) شفت ها التوانسة؟ واحد مطوي في اثنين، كلاويه تعصر فيه، ويقل المرتو: هيلاري وإلا ترامب؟
– شانڨ: يا هو، ولد أختي، اللي فاتت أغرب، لاخر بعدما قام من البنج يقل لولده: “الأمريكان مهابيل انتخبوا واحد مهبول ما يخافش ربي”، وكأن هيلاري عايشة في معبد بوذا، تخاف ربي.
– هو: يا خالي شانڨ، الأعجب من الكل: مقاطعين الانتخابات في تونس، ويعلموا في الأمريكان شكان لازمهم ينتخبوا.
– شانڨ: ربما يظنوا أن رئيس أمريكا هو رئيسهم الحقيقي.
– هوانج (Huang) من غادي: تجي تفهم التوانسة تدوخ، هاذاك علاش عيطوا لنا من الصين باش نداووهم، الصحيح فيهم مريض، وربما نحن ما نفيدوش، يلزمهم طبيب من المريخ.
– زهانڨ (Zhang) من تالي: كان موش عماهم، ما نعيشوا معاهم.
– ليو جي (Liu Jie): وراس بوذا، هذا أحسن مثل تعلمتو من التوانسة.

شاهد أيضاً

ماشي ننتحر !!!

الحبيب حمام • شتعمل غادي؟ وين ماشي؟ ـ ماشي ننتحر. • علاه تنتحر؟ الدنيا حلوّة، ...

لماذا الحسين وأمثاله كثر؟

الحبيب حمام قتِل عظماء عبر التاريخ الإسلامي: الفاروق وهو يؤم الناس في صلاة الفجر (قتله ...