الجمعة ، 24 نوفمبر 2017
الرئيسية / تدوينات / تدوينات تونسية / حكاية الأطباء …

حكاية الأطباء …

محمد الناصر رابحي

هيا يا سيدي إيجا نفركوها الرمانة مرة وحدة وخليك من لغة جهويات وزمارة… أعمل وحدك إحصاء ولاّ راقب وشاهد بعينيك… الأطباء بمختلف اختصاصاتهم توا من أين هم ؟؟؟

90 % من سوسة، تونس، صفاقس، نابل والمنستير… و10 % على أقصى تقدير من باقي الجهات… علاش هذا ؟؟؟ ياخي سياسات دولة ولا بالصدفة ؟؟؟

إيجا لهنا وخوذ ورقة وستيلو وقيّد العوامل… أشكون يتوجه طبيب.. من له أكثر معدل على نطاق الجمهورية،، طيب وأشكون يجيب أكثر معدل ؟ ايلي يقرى خير ؟؟ وأشكون يقرى خير: الذكي !!! أكيد الذكي أما الذكاء وحدو يواصلو باش يجيب سكور طب !!! لا.. مالة اشنوة لاخر… الظروف… عليك نور.. الظروف.. شنهي ظروف… اتيد، مراجع، لهوة، راحة، طيب.. وين باش تلقاها الظروف هاذي ؟؟؟ تلقاها في الولايات إلي حكينا عليها… في المحصلة تلقى طبيب من الساحل أو تونس أو صفاقس.. معناها من غير ما ندخل في التفاصيل اش معناها واحد من هذه المناطق هل يستطيع الاندماج في تطاوين أو مدنين أو بوزيد أو قفصة أو سليانة أو الكاف أو أو أو… الحاصيلو كيف نخرجو 90 % من تونس من هذه الفئة ايلي شئنا أم أبينا متنجمش تخدم غادي سواء عائليا أو تربويا أو إجتماعيا… زيد على هذا لهنا تدخل سياسة الدولة أن طبيب مختص لا يجد الظروف والامكانيات المادية في مستشفيات المناطق الداخلية يزيد هاكة الـ 10 % من الطبة إلي أصلا من هذه المناطق يجفلو ويزيدوا ميحبوش يمشوا يخدموا غادي…

اش نعملوا ؟؟؟

شنوة الحل ؟؟؟

نستوردوا طبة كنترة من الصين.

شاهد أيضاً

إصلاح الصًناديق الإجتماعيّة: لماذا يتحمّل كلفتها الأجراء والشّغاّلون؟

صالح التيزاوي يبدو أنّ الحكومة ماضية في التّمديد بعامين في سنّ التّقاعد لإنقاض الصّناديق الإجتماعيّة من ...

اترك رد