السبت ، 18 نوفمبر 2017

علاش شلكتونا ؟؟

ماهر العباسي

وزير الثقافة متاع تونس يستقبل في عادل إمام في الباب وهاززلو النوار ؟؟ في أنا بلاد ريتو الوزير يعطي النوار ؟؟ علاش شلكتونا
ديما في البروتوكول الشخصية المهمة كيف يمدولها النوار تاخذو بتربية وتمدو لعبد آخر… إنت سي الوزير مديت النوار لعادل إمام ياخي رجعهولك على وجهك… علاش شلكتونا ؟؟

كيفاش تسمح لعادل إمام باش يتكيف ويبوخ في وجهك ؟؟ علاش شلكتونا ؟؟

علاش في وجودك انت ممثل الدولة التونسية العباد قاعدة فوق بعضهم وعلى جنب الكرسي ويقهقهو بأعلى صوتهم ؟؟؟ علاش شلكتونا ؟؟

علاش في وجودك انت ممثل الدولة التونسية يصيح معز بن غربية بأعلى صوتو سيب الراجل سيب الراجل ؟؟ علاش شلكتونا ؟؟

علاش في وجودك انت ممثل الدولة التونسية عادل إمام يفدلك هو والمرا الي قاعدة بحذاه بالتوشويش في الوذنين والتقهقيه ؟؟ علاش شلكتونا ؟؟

علاش بن غربية يقول تونس في أزمة إقتصادية هذاكة علاش جبنا كان قهوة ويضحك كيما “la vache qui rit” قدامك وانت ساكت علاش شلكتونا ؟؟

علاش يجي ممثل وزارة الخارجية ودونك ممثل الدولة التونسية يهبط باش ياخو تصويرة مع عادل إمام يتلفتلو ويقلو مين دا… يعطيك داء على لونك ماغلاش الدم في عروقك على كرامة بلادك ؟؟ علاش شلكتونا ؟؟

ياخويا كان انتوما الرخص والطحين والذل في دمكم أموركم وربي يعينكم ماتمثلوش ****** ******* أحنا !!! ياخويا أحنا ناس عنا كرامة وعزة نفس وبلادنا هي أمنا والي يهينها نذبحوه مالوريد للوريد علاش تركبو علينا في الطحين… علاش شلكتونا ؟؟

مع العلم أنو عادل إمام هذاكة الي نافخ عليكم روحو كي الطاوس كان السيسي تجيه تنخيمة ومايلقاش موشوار يقلو إبصق على وجهي يا ريّس !!

رابط الفيديو

شاهد أيضاً

مراهق السعودية أعمى سيعسكر أنظمة الخليج

أبو يعرب المرزوقي أكاد أزعم أن المراهق الذي يستعد لتولي الحكم في السعودية يؤدي دورا ...

اترك رد