السبت ، 18 نوفمبر 2017
الرئيسية / تدوينات / تدوينات ساخرة / سيدي الوالي “الصبر لله والرجوع لربي”

سيدي الوالي “الصبر لله والرجوع لربي”

فوزي النالوتي

صباحكم شتاء ساخن وعليكم الروى سيدنا الوالي تاج روسنا الغالي حبيبي يا منظمنا ومهشتكنا ومسيرنا ومبلحسنا ومروشنا وروشن على روشنهم والقلب غادي منهم سيدي الوالي.

.
توا نجو للصحيح :
• والي تطاوين : راك تشري في الشبوك صديقي حذاري من غضب “ذر الوطن” على حد تعبير “أبو شلغوم الديمقراطي” أطال لنا الله في عمره.. هناك سياسة إقصاء ممنهجة من سيادتكم الكريمة والحنونة لنشطاء المجتمع المدني والجمعيات… وبالمناسبة هذي وعلى إثر اللقاءات الأخيرة التي أدرتموها بنجاح باهر وصاعق نهديلك أغنية “الصبر لله والرجوع لربي” ملزومة تليق بما تخوضونه سيادتكم بأحزابكم ومثقفيكم ونشطائكم اللامدنين ومناديبك اللي في كل محضر حاضرين… تاريخك اللا تجمعي واللهي يشفعلك سيدنا الوالي يا تاج روسنا.
.
• والي نابل : بعد زيارتكم الموقرة والمهيبة والدخلة السوري والعربي في موظفي إحدى الإدارات بالحمامات (الزواولة ولاد الشعب) على سروال الزوفرة الدجين متع الروبافيكا نقلك صحيتك يا تراس يا متع الشياكة والموضة والمودا فنشي… وليس غريبا سيدنا ما تقومون به فأنت الإستيتيقيا والجمال والوهرة أما بربي خوذها من عند ولد ما وراء البلايك اللي بدا يتعلم ربطات العنق مؤخرا ومستانس بالقشطة والبلغة جيتك بجاه ربي طول شويا في ربطة العنق وخليها توصل لمستوى الحزام.
والسلام
“الصبر لله والرجوع لربي”

شاهد أيضاً

كيفاش تكون سياسي من الجيل الأول

ذاكر اللاهيذب 1. تعمل أيدين وساقين وتدخل في حكومة بشتى الطرق. 2. تظهر فيما كتب ...

اترك رد