الأحد , 16 ديسمبر 2018
الرئيسية / غير مصنف / التونسي اختصاصي تمخميخ في المناسبات وفي غير المناسبات

التونسي اختصاصي تمخميخ في المناسبات وفي غير المناسبات

محمد الناصر رابحي
.
وهذه بعض الإحصائيات:
– راس العام الميلادي = ڤاطو + ڤازوز + لحم دجاج + لحم دندون + مكسرات + مسكرات…
– راس العام الهجري = كسكسي بالڤدّيد + ملوخية + عصيدة…
– العيد الصغير = حلويات + مشروبات…
– العيد الكبير = لحم + عصبان + مشروبات غازية…
– شهر رمضان = الطاولة ڤُلْهَا زَعْ ترحل بالماكلة سلايط ومْرُقْ وعجين وغلّة (ما تنسوش شهاوي السهرية… وكذلك السحور).
– المناسبات (السّعيدة والحزينة) = أنواع المأكولات لا يحصيها كان ربّي…
– كامل أيّام السنة = التمخميخ في الدّار وفي الشّارع…
– التونسي مريض وفي السبيطار = ياكل أكثر مللّي يكون في داره ( إسأل النّاس إللّي يزوروه)…

.
ما نتحدّثوش على الشهاوي الجانبية :
لبلابي…
هرڤمة…
فول مدمّس…
كعيبة ملاوي…
صبيّع شكلاطة…
كعبة boite (سواء ڤازوز فرانسا أو ڤازوز المدّب)…
كعيبة ڤاطو…
شكارة كاكي…
ڤعمورة خبز وهو مروّح بالباڤات متاع الفطور…
كسكروت كفتاجي…
ومن بعد نڤولوا شبيها السبيطارات شوية وماهيش تقوم بواجبها كيما يلزم…!!!
شبيه ثقب الأوزون وللّى كبير…
ماهو من الغاز متاع الطحش ومن قلّة الفهم متاع المخ…
سامحوني نحس في روحي جيعان
خلّيني نمشي نوكل حاجة…

شاهد أيضاً

الوطن يسكنك ولا تسكنه

الأمين البوعزيزي في آخر لقاء بصديق جغرافيات الغبن والانتفاض؛ يقيم بصفاقس… حامل إجازة من زمن ...

شهداء بالأكتاف، وشهداء يموتون مرتين

الطيب الجوادي من هو الشهيد؟ مالفرق بين شهيد وآخر؟ لماذا نحتفي بشهداء دون آخرين؟ كم ...