الجمعة ، 24 نوفمبر 2017
الرئيسية / تدوينات / تدوينات تونسية / “طائرة الحرية” متاع “بن عمي” تهبط اليوم في مطار تونس قرطاج…

“طائرة الحرية” متاع “بن عمي” تهبط اليوم في مطار تونس قرطاج…

إسكندر الرقيق

رجل الأعمال رينيه الطرابلسي اليهودي التونسي، وابن بلدي المقيم في باريس والمرشح السابق لمنصب وزير السياحة في تونس، سوف ينزل اليوم في “طائرة الحرية” قادما من باريس مع 250 ناشط مدني ليفك حصار الإرهاب عن “سوسة المحاصرة”…

إممممم!!!

كأني سمعت بخبر قريب وشبيه جدا من هذا منذ ايام…

وين يا ربي سمعت خبر مثل هذا…

وين يا ربي ؟؟؟

وين؟؟

آه تذكرت:

الخبر يقول:

الدكتور منصف المرزوقي يحاول النزول في ميناء غزة قادما من اليونان على متن باخرة “اسطول الحرية” السويدية مع العديد من نشطاء حقوقيين عالميين وذلك لكسر الحصار عن غزة رمز العزة، فتختطفه القوات الصهيونية في المياه الإقليمية “لغزة المحاصرة” من الإرهاب الصهيوني، وتأخذه لميناء اسدود ثم ترحله لباريس…

يا رسول الله!!!

توا يا جماعة،

رنيه ما لقى يسمي رحلته لتونس إلا برحلة “طائرة الحرية”…

ما لقاش اسم آخر؟

مثلا طائرة “الانتصار على الإرهاب”…

طائرة “الأمن والأمان”

طائرة “آني سوسة”

“طائرة الرحمة على ضحايا الارهاب”

“طائرة الأمل”

“طائرة الشجاعة”..!؟؟؟

على كل حال شكرا يا سيد رنيه، “يا بن عمي” الغالي على المبادرة لإنقاذ الموسم السياحي في تونس..

أي جهد يبذل في هذا الإطار فهو جهد مشكور…

لكن محاولتك إرسال رسالة مبطنة عن موقفك من فكرة أسطول الحرية متاع غزة وصلت…. وصلت وبالبريد السريع والمضمون…

اما محاولة التشويش عليها فلن تفلح…

رانا فاهمين بعض…

وفاهمينكم كيفاش تخدموا…

والعقارات السياحية المفلسة الآن الكل على ذمتكم…

اشريوا برخص التراب… صحة وفرحة… وبرا كاكة…

وكل شيء توا يتعدى في الزهدة… لا موش في الزهدة،، يتعدى زردة لذيذة،،، وصحة وبالشفاء…

آه يا بن عمي !!!

تمنيتك لو انك كنت ضمن أسطول الحرية لكسر الحصار عن غزة مع منصف المرزوقي حتى من الناحية الإنسانية…

وقتها تولي بن عمي وخويا بالحق…

● “طائرة الحرية” متاعك يا “بن عمي” رنيه ستهبط اليوم في مطار قرطاج ويستقبلونك بالورود والطبال والزكار، وستحقق أهدافك الإعلامية والتجارية…

● اما “سفينة الحرية” متاع أخي منصف المرزوقي فلم تستطع أن ترسو في ميناء غزة للأسف الشديد…

وربي يقدر الخير

شاهد أيضاً

مدينتي التي أعرفها ترفض أن تتجمّل بالأصنام

محمد القطّي خطير ما يحدث في صفاقس  بعد الفضيحة التي وقعت في إجتماع الجلسة التمهيدية ...

اترك رد